Спасов: Пуштил ли Стојко рогови? Јас мислам не!

Добивај вести на Viber

Широка поддршка доби директорот на Државниот пазарен инспекторат, а во негова одбрана застанаа и луѓе блиски на партијата на власт. Ѓорѓи Спасов е еден од нив. Во своја објава на фејсбук, Спасов прашува каква порака ќе се испрати ако се разреши Стојко Пауновски само затоа што се спротивставил на хиерархијата. 

„Дали пораката е дека никој не смее да им се спротиставува и на најбизарните решенија на владата. И дали таа ќе ги наградува само послушните а ќе ги казнува одговорните и совесните. Тој модел на дисциплинирање тешко може да се брани и оправда затоа што е во спротивност со она што се бара од раководителите на разни оддели во јавната администрација и со етичкиот кодекс во јавната администрација. Наредбата ако е во спротивност со личното уверување и со совеста дека со неа му се прави штета на општеството е подобро да не се почитува отколку да ве гризи совеста, вели Спасов.

Додава дека некои службеници во претходната влада и администрација што постапувале строго по наредби, не побегнале од одговорноста кога подоцна се утврдило дека со извршувањето наредби направиле штета.

„Затоа треба добро да се процени дали овој вид отпор или “пркос” на Стојко Пауновски е само личен хир од некои непознати причини или е сосема оправдан и ќе биде жртва на нечија поврдена суета и на лошото толкување за задолжителното почитување на хиерархијата во јавната администрација. Па до вчера правевме мајтап со ВМРО кое вработуваше масовно лица во ЈП Македонски шуми па потоа ги прераспоредуваше во Опера Театар и други буџетски институци, заклучува Спасов.