Спасовски: Партизираните институции придонесоа граѓаните да бараат начин за постигнување правда
Објавено во: Македонија 01 Јуни, 2017
Министерот за внатрешни работи Оливер Спасовски изрази осуда и загриженост за денешниот инцидент во кој екс министерот за здравство Никола Тодоров беше мета на напад.
„Без оглед на мотивите, огорченоста, и причините за овој напад правото на живот на секој граѓанин е неприкосновено право. Изминативе години системот на владеење на правото и правната држава беа срушени. Грубата партизација на виталните државни институции придонесоа граѓаните да ја изгубат довербата и да бараат начини за постигнување на правдата“, изјави министерот.
Како министер Спасовски рече дека ги осудува сите кривични дела и секое нарушување на безбедноста на граѓаните и државата.
„Но истовремено ќе ги преземам сите неопходни мерки со кои на граѓаните ќе им ја вратам довербата во МВР“.
Спасовски упати апел до сите граѓани да не преземаат дејствија со кои ќе го загрозат сопствениот живот или животот на граѓаните воопшто.
„МВР ќе ги преземе сите мерки за расчистување на мотивите и причините за денешниот немил настан“, посочи министерот.
Можеби ќе ве интересира
ФАКТОР НА ДЕНОТ: Бурни реакции откако Силјановска Давкова ја изостави „Северна“, Грција споменува и можност за вето
АРСОВСКА ДО ЏАФЕРИ: Не знам како функционира во Форино, ама во Скопје нема друг да ви го одржува дворот!
ЗАЕВ ЗА ДОГОВОРОТ ОД ПРЕСПА: Непочитувањето носи одговорност, но и сериозни последици
ВО ОПШТИНА ВЕЛЕС: Советникoт од СДСМ, Кирил Гајдов си поднесе оставка
ВЕСЕЛА ЧЕРНЕВА: Teшко дека Северна Македонија ќе почне преговори со ЕУ
ВРСНИЧКО НАСИЛСТВО: Малолетнички нападнале соученичка и ја снимале
ТРАГЕДИЈА: Почина 14-годишно дете од Битола додека си играло на ливада
