Стефановиќ: Meдиумите во Приштина однапред знаеја каква ќе биде одлуката на судот во Скопје
Објавено во: Балкан 14 Август, 2019
Mинистерoт за внатрешни работи на Србија, Небојша Стефановиќ попладнево изјави дека властите во Скопје не го почитуваат меѓународното право и го врати сеќавањето на жртвите кои страдале од него.
„Не може да постои објаснување дека некој што се сомничи за воени злосторство против цивили да биде пуштен на слобода, намето да одговара за смрт врз недолжни луѓе“ -изјави Стефановиќ.
Тој вели дека е за жалење и разочарувачки медиумите во Приштина однапред да знааат каква ќе биде одлуката на судот.
Врховниот суд одлучи поранешниот припадник на ОВК, Томор Морина да не се екстрадира во Србија.
Врховниот суд денеска ја потврди пресудата на Основниот кривичен суд во Скопје дека не се исполнети условите за екстрадиција.
Во образложението на судот стои дека Морина е државјанин на Косово и на Велика Британија, а не на Србија и дека кривичното дело за кое е обвинет е извршено на територијата на Република Косово, управувано од Обединетите нации според резолуцијата 1244 на Советот за безбедност од 10 јуни 1999 година.