Стевчо Јакимовски: Посиромашни сме затоа што ЕУ начека будали Македонци
Објавено во: Македонија 19 Октомври, 2022
Градоначалникот на Карпош, Стевчо Јакимовски, во емисијата „Студио 10“ на ТВ24 ја искритикува власта за преголемо додворување на ЕУ поради што, во актуелната криза, македонскиот народ дополнително осиромашил.
- Начекаа будали Македонци кои се ќе дадат за ЕУ, искоментира Јакимовски во студиото.
Истовремено го искажа своето незадоволство од молчењето пред отворањето на бугарски културни клубови со имиња со фашистички контекст.
- Цар Борис е другар на Хитлер, таму да се стави и слика на Хитлер. што не направи тогаш српската заедница клуб за Павле Караѓорѓевиќ кој го потпиша Тројниот пакт. Ако властите се меки на овие прашања, тогаш доаѓаат избори на кои ќе паѓаат, рече градоначалникот.
Порача дека е срамота една земја да дава пари за да се отвораат фабрики и да носи млеко од Хрватска и Германија, кога порано на домашното не се знаело што да му се прави.
Ја повика Владата да издвои 2 милиони евра за Јавното сообраќајно претпријатие - Скопје за да може возачите да поделат плата и да не штрајкуваат.
- Не убива популизмот, а има големо покачување на нафтата, а цената на градскиот превоз е иста. Аналогно на тоа се покаќува и цената на деловите. Нормално е негде да пукне, порача претседателот на „Гром“ и ја повика Владата од буџетските резерви да исплати 2 милиони евра за ЈСП.