Столбот на Германија падна најниско-стравот се шири во Европа!

Добивај вести на Viber

Акциите на Дојче банка паднале на рекордно ниско ниво како последица на загриженоста дека нејзиниот резервен капитал би можел да биде загрозен поради се поголемиот број на правни спорови.

Меѓу тие спорови е и спорната продажба на хартии од вредности во САД.

Акциите на најголемата германска банка паднаа утрово во Франкфурт за 4,2 отсто, на 10,93 евра, што е нивна најниска вредност во историјата, пренесе Блумберг.

Дојче банка во САД би можела да биде принудена да плати и 14 милијарди долари поради продажба на спорни хартии од вредност во САД, додека за тоа одвоила 5,5 милијарди евра.

Таа банка исто така е соочена со истраги за манипулации со валути, трговија со скапоцени метали и милијарди долари префрлени од Русија.

Германската канцеларка Ангела Меркел ја исклучила можноста за државна помош на Дојче банка во година во пресрет на парламентарни избори, пренесе минатата недела германски Фокус пренесувајќи се на извори од владата.

Дојче банка во САД е меѓу банките кои се под истрага дека во пресрет на финансиската криза во 2008 година продавале хартии од вредност кои се претставени како релативно безбедни, иако содржеле хипотекарни обврзници за луѓето кои тешко можат да ги отплатат.