Стопанска банка Битола: И со Макпетрол и со Балкан Петролеум соработуваме согласно позитивните законски прописи

Добивај вести на Viber

Стопанска Банка АД Битола е основана во 1948 година како Комунална Банка Битола. Наредната година Банката ќе прослави 70 години од нејзиното основање. Наша желба е оваа годишнина да ја прославиме со ист успех и резулатат како најголемиот дел од компаниите во Македонија кои го прославуваат тој јубулеј, меѓу кои е и Макпетрол АД Скопје. Од таа причина, би сакале на менаџментот и на вработените во Макпетрол АД Скопје да им ја честитаме 70 годишнината и да им посакаме да имаат уште многу испеси и големи профити и во иднина.

Би сакале да нагласиме дека досегашната соработка меѓу Стопанска банка АД Битола и Макпетрол АД Скопје била исклучително коректна и успешна, при што Банката имала и свој придонес во растот на Макпетрол АД Скопје преку поддршка на компанијата со разни видови банкарски кредитни продукти на максимален лимит на изложеност.

Од таа причина сме изненадени што Стопанска Банка а.д. Битола е спомната во негативен контекст од страна на г-динот Андреја Јосифовски на прес конференцијата одржана 19 септември и за таа цел чувствуваме потреба да појасниме неколку факти.

Стопанска банка АД Битола има преку 1.000 акционери, физички и правни лица, односно многу диверзифицирана сопственичка структура. Најодговорно тврдиме дека ниеден од нив нема никаква поврзаност со клиентот Балкан Петролеум Груп и најенергично ги демантираме ваквите поврзувања на Банката и на нејзините акционери со овој клиент. Исто така, би сакале да истакнеме дека деловниот однос со клиентот Балкан Петролеум Груп е воспостваен согласно позитивните законски прописи во Македонија и согласно процедурите за работа на Банката, односно на ист начин на кој што Стопанска банка АД Битола го воспоставила својот деловен однос и со Макпетрол АД Скопје.