Странци од Садуска Арабија, Мароко, Либан и Либија загинаа во масакрот во Истанбул
Објавено во: Свет 01 Јануари, 2017
Државјани на Садуска Арабија, Мароко, Либан и Либија се убиени во нападот во ноќен клуб во Истанбул синоќа, изјави турската министерка за семејство и социјална политика, Фатма Бетул Сајан Каја.
Израелското Министерство за надворешни работи соопшти дека меѓу загинатите е и една Израелка. Таа е идентификувана како Лиан Насер и имала 19 години. Израелски медиуми јавуваат дека таа во клубот била со тројца свои пријатели од Израел. Едниот од нив е ранет.
Најмалку 39 лица, од кои повеќето странци се убиени во нападот, извршен во клубот Реина, кој се наоѓа во квартот Ортакој, од маж облечен како Дедо Мраз. Израелскиот премиер Бенјамин Нетанјаху денеска го осуди нападот.
„Им изразуваме сочувство на семејствата на убиените и им посакуваме побрзо закрепнување на ранетите“-вели тој.
Се трага по напаѓачот кој изврши масакр на Нова година во Истанбул.