Струмичанец превезувал патници без дозвола за меѓународен превоз
Објавено во: Македонија 27 Декември, 2021
Полицијата на 25-ти месецов на граничниот премин Табановце уапси 22 годишен возач од Струмица кој вршел превоз на патници без дозвола за меѓународен превоз.
Полицајците при извршена контрола во возило „форд транзит“, со струмички регистарски ознаки, кое го возел П.Л.(22) од Струмица, констатирале дека врши меѓународен превоз на патници без дозвола за меѓународен линиски превоз.
Лицето е предадено за понатамошна постапка на инспектор од Државен инспекторат за транспорт при Министерство за транспорт и врски.
Во земјава во изминатиов период имаше засилени контроли, при што беа откриени и многу пропусти кај превозниците. Ова се случува по автобуската несреќа која се случи во Бугарија, каде изгоре македонски автобус, и загинаа 45 луѓе.