СВЕДОШТВО: Го преживеал нападот во Флорида благодарение на лаптопот каде се заглави куршумот!

Добивај вести на Viber

Сведок на пукањето на аеродромот Форт Лаудердејл на Флорида, каде се убиени пет луѓе, го преживеал нападот така што лаптопот му го блокирал куршумот.

Стив Фрепир (37) му раскажал на новинарот Херал Мајами дека слушнал бука каква што предизвикуваат петардите, на Терминалот 2, но дека тоа не го вознемирило бидејќи на аеродромите е многу бучно. Дури кога слушнал дека некој вика „Има пиштол, лежете долу“! сфатил дека нешто не е во ред.

-Го видов човекот како ладнокрвно пука во петмина, вклучувајќи и еден човек во главата, кој се наоѓа на само неколку метри од мене- рекол Фрепир.

-За сето тоа време не изговорил ништо. Бил студен, мирен и многу прибран-го опишува сведокот нападот на 26-годишниот екс припадник на националните гарди на Порторико и Аљаска, за кој полицијата подоцна сфати дека се работи за Естебан Сантијаго.

Фрепир останал на под, со лице свртено кон земјата и со ранецот на грб, додека напаѓачот продолжил да пука. Сантјаго потоа се свртел кон него и му пукал во грб. Изгледа дека го погодил лаптопот, кој на Фрепир му го спасил животот.

Полицијата накнадно во текот на претресот го пронашла заглавениот куршум во самиот ќош на лаптопот.

-Куршумот од 9мм поминал низ ранецот и се заглавил во лаптопот-восхитено раскажал образовниот работник Фрепир, кој тој ден тргнал во родната Атланта на образвона конференција.