Талат Џафери со значка со македонско знаме отиде во Брисел

Добивај вести на Viber

Новиот претседател на Собранието, Талат Џафери, вчера при неговата прва официјална посета на Брисел, на костумот носеше значка со македонското знаме.

Претходно, тој постави албанско знаме на бирото во кабинетот, што предизвика негативни реакции во јавноста.

„Мислам дека никој не треба да се чувствува загрозен од знамето, бидејќи тоа се наши симболи,  на припадноста, а од институционален аспект мислам дека државното знаме се наоѓа на вистинското место каде што припаѓа и сите ние се идентификуваме со тоа знаме кога сме носители на функција“ - рече Џафери.

Лидерот на СДСМ, Зоран Заев изјави дека сака да се почитуваат законите и Уставот на Република Македонија без разлика дали кршењето на закони или доаѓа од нивен коалициски партнер или не. 

„Секој треба да има политичка и законска одговорност. Законите во Македонија се јасни и тие треба да се почитуваат. Ако се случила одредена грешка тој што ја направил, се надевам, дека ќе ја поправи“ - рече Заев. 

Реакции за албанското знаме во кабинетот на Џафери имаше од повеќе партии, но и поединци од општествено-политичкиот живот во Македонија.