Талат ги испраќа во пакет до Службен весник и двата закони
Објавено во: Македонија 29 Јуни, 2018
Законот за ратификација на Договорот, како што најави спикерот Талат Џафери, штом биде повторно изгласан во Собранието на РМ, ќе биде објавен во Службен весник, во пакет со Законот за употреба на јазици кој исто така не е потпишан од претседателот на државата.
– Не може ниту една институција да не попречи, сите институции се должни да го почитуваат Уставот. Ако кој сака може да ја попречи работата на Собранието, тогаш ова не е парламентарна демократија – дециден беше Џафери.
Тој најави дека на 5. или 6. јули Законот за ратификација на Договорот со Грција ќе биде повторно ставен на дневен ред во Собранието, откако претседателот Ѓорѓе Иванов одби да го потпише указот.
– Нема што да се чека, според евиденцијата, пратениците се тука, така што најверојатно на 5 или евентуално на 6 јули ќе биде закажана седницата за Законот за ратификација на Договорот. Тоа што претседателот Ѓоерге Иванов не ги потпишува ниту Договорот, ниту Законот за јазици, е лоша пракса на мешање на власта. Собранието има свои надлежности и своите одлуки ќе ги спроведе до крај – рече Џафери кој додаде дека тој нема намера да го стави својот потпис на местото на потписот на Иванов.