Талибанците наметнаа уште една забрана, никој не смее да се буни
Објавено во: Свет 27 Септември, 2021
Талибанците забранија потстрижување и бричење на бради во Авганистан.
Тие им забранија на берберите во авганистанската провинција Хелманд да бричат или потстрижуваат бради на нивните клиенти, заканувајќи се со казни, пренесува „Би-Би-Си“. Талибанската верска полиција во Хелманд тврди дека бричењето или сечењето на брадата го крши она што тие го сметаат за исламски закон. Дел од сопствениците на фризерски салони во Кабул потврдија дека добиле слични наредби кои сукажуваат на враќање на строгите правила што важеа за време на претходното владеење на Талибанците. Откако во август ја преземаа власта, Талибанците воведоа строги правила за жените.