Тасевски за Ефтов: Не сакав да се спуштам на неговото пиљарско ниво

Добивај вести на Viber

По сите реакции што денеска во јавноста ги предизвика емисијата на Васко Ефтов во која директорот на Драмски Театар, Сашо Тасевски го напушти интервјуто, тој  се огласи во јавноста.

„Преќутев, не зашто немав што да му кажам, туку зашто не сакав да се спуштам на неговото пиљарско ниво, зашто не сакав со некоја неконтролирана изјава или потег да му нанесам штета на театарот кој го управувам. Оти не сум сам во таа приказна. Затоа станав без збор. И уште нешто…Згрозен сум од неговата подмолност и измамност да не се држи до темата која ја договоривме, туку да се занимава со мене со цел да ме искомпромитира. Моите ставови секогаш биле конзистентни и јасни. Само тој не ме викна за муабет во емисијата, туку да ме натера да реагирам неумесно “– тврди Тасевски. 

Тој наведува дека некој смислено го избрал за таа цел, а тоа можело да се види и по омразата на оние кои го плукаат и физички му се закануваат.

Тасевски прашува дали воопшто пропагандата може да се нарече новинарство. 

Актерот и директор на Драмски театар Скопје, Сашо Тасевски имаше жестоко интервју со Васко Ефтов кое го прекина по околу 40 минути разговор. Тасевски одговораше на прашања дали бил дел од Шарената револуција и дали тоа е клучот за неговата функција, а од Ефтов беше критикуван дека сега не бил така гласен во јавните настапи како против поранешната власт, особено со изборот на Талат Џафери како претседател на Собранието.