ТЕНЗИЧНО ВО ВЕНЕЦУЕЛА: Гуаидо и Мадуро во судир за поддршка на армијата
Објавено во: Свет 01 Мај, 2019
Во Венецуела, тензијата не
престанува. Повеќе од 100 лица вчера беа повредени во главниот град Каракас, во
судирите меѓу антивладините демонстранти и полициските службеници. Лидерот на
опозицијата Хуан Гуаидо повика на нови протести денес, а претседателот Николас
Мадуро објави дека нема намера да побегне од земјата.
Поддршката на армијата е клучен фактор во
управувањето на Венецуела. Еден ден откако го направи својот обид да ја освои
армијата, лидерот на опозицијата Хуан Гуаидо денеска објави дека демонстрантите
ќе бидат на улиците низ цела Венецуела.
Вчера пак, Гуаидо објави дека дел од армијата поминала
на негова страна и повика да му помогнат, за да се стави крај на узурпацијата
на власта од страна на Мадуро.
Мадуро се самопрогласи за привремен претседател во јануари и ја доби поддршката на повеќе од 50 земји.
Во меѓувреме, Николас Мадуро во телевизиско обраќање објави дека обидот армијата да се крене против него не успеал.
Американскиот претседател Доналд Трамп пак, се закани со строги санкции кон Хавана, доколку не се запрат воените операции во Венецуела.