Тереза Меј му се налути на Трамп: Забраната за влез на муслимани во САД ќе удри врз Британците со двојно државјанство
Објавено во: Свет 29 Јануари, 2017
Премиерот на Велика Британија, Тереза Меј се врати во својата земја среде политичка бура, откако стана јасно дека забраната на американскиот претседател Доналд Трамп против муслиманските посетители може да влијае на Британците со двојно државјанство, пишува весникот The Times.
Американскиот Стејт департмент потврди дека забраната може да влијае и на Британци кои имаат двојно државјанство во некоја од горенаведените земји.
„Имиграционата политика на САД е работа на владата на САД, така како имиграциската политика на нашата земја треба да биде утврдена од нашата влада. Но ние не се согласуваме со овој тип на пристап. Ако тој има влијание врз граѓани на Велика Британија, ние ќе интервенираме пред американската влада“, рече портпаролот на Даунинг стрит.
Пратеникот Надим Захауи од британската Конзервативна партија објави дека ограничувањата воведени од Трамп му пречат да ги посети САД. Пратеникот е роден во Ирак. „Тажен ден е затоа се чувствуваме како луѓе од втора категорија. Тажен ден и за САД!“, Додаде пратеникот.
Пратеник од Конзервативната партија Хеиди Ален пак напиша на Твитер: „Не ми е гајле колку специјални се односите, некои линии едноставно не треба да се сечат. Силното лидерство значи да не се плашиш да му кажеш на некој влијателен човек дека греши.“
Во петокот спроти сабота Трамп потпиша извршна наредба со која им забрани на сите седум претежно муслимански земји - Ирак, Иран, Либија, Сомалија, Судан, Сирија и Јемен - да влезат во САД за 90 дена.
Дејството на наредбата беше привремено суспендирано за време на итно сослушување во Њујорк во раните утрински часови во неделата, откако адвокати од Американскиот сојуз за граѓански слободи внесоа петиција во судот.