ТОПЛО И СОНЧЕВО ДО ВТОРНИК, ПОТОА ДОЖД И ЗАЛАДУВАЊЕ: Денеска скопјани уживаат во убавиот ден (ФОТОГАЛЕРИЈА)
Објавено во: Македонија 19 Март, 2023
Во Македонија продолжува периодот на стабилно, суво и
претежно сончево време. Ќе биде и значително потопло преку ден и тоа
поради продорот на топла воздушна маса од југ, информира метеорологот Славчо Попоски.
Преку ден максималните дневни температури на воздухот ќе се искачуваат во интервалот од 14 до 20 степени, а во најтоплите централни и југоисточни предели температурата ќе се искачи до околу 22 степени.
Преодно зголемување на облачноста ќе има во вторник попладне и во текот на ноќта кон среда и на повеќе места ќе има повремени врнежи од дожд. Потоа повторно следува претежно стабилно и суво време. Во Скопје и околината ќе имаме слично време.
Денеска скопјани го искористија убавиот ден и во огромн број излегоа надвор. Цели семејства, пријатели, деца, млади, возрасни се во Градскиот парк или на Водно. Се рекреираат со велосипеди, тротинети, уживаат во прошетките со милениците.
Погледнете ја фотогалеријата на Фактор