Трамп ги укина забраните за патување, Бајден пак ќе ги носи
Објавено во: Свет 19 Јануари, 2021
Портпаролката на новоизбраниот претседател на САД Џо Бајден изјави дека САД ќе ги задржат забраните за патување во Велика Британија, голем дел од ЕУ и Бразил - и покрај наредбата на претседателот Доналд Трамп тие забрани да се укинат.
Белата куќа во понеделникот донесе одлука забраната за влез да заврши на 26 јануари - шест дена откако Бајден ја презема должноста како претседател на САД.
Сепак неговиот портпарол Јен Псаки, напиша на Твитер дека сега не е време да се олеснат патните рестрикции.
Бајден треба да биде инаугуриран во среда.
САД воведоа ограничувања на Европа минатиот март
„По совет на нашиот медицински тим, администрацијата нема намера да ги укине овие ограничувања на 26. јануари порача Псаки, веднаш по издавањето на указот на претседателот Трамп.
„Всушност, ние планираме да ги зајакнеме мерките за јавно здравје околу меѓународните патувања со цел дополнително да го ублажиме ширењето на Ковид-19“.
Само неколку минути порано, Белата куќа издаде соопштение во кое се вели дека претседателот Трамп потпишал наредба за укинување на забраната за влез во Велика Британија, Ирска, Шенген-зоната во Европа што овозможува патување преку отворени граници и Бразил од 26 јануари. Забраните за патување за Кина и Иран ќе останат во сила, се вели во наредбата.