ТРАМП ПОТПИША: Америка и даде зелено светло на Црна Гора за влез во НАТО
Објавено во: Свет 11 Април, 2017
Претседателот Доналд Трамп го потпиша протоколот за пристапување на Црна Гора кон НАТО, со што е завршена процедурата на неговата ратификација во Соединетите држави.
Белата куќа уште не објавила официјално соопштение за потпишување на протоколот.
Американскиот сенат претходно го ратификуваше протоколот со огромно мнозинство гласови на сенаторите од двете партии-97 се изјасниле за, додека само двајца сенатори Ренд Пол и Мајк Ли беа против.
Сенаторите после давањето зелено светло за членство на Црна Гора во НАТО оценија дека тоа ќе ја зајакне алијансата и истовремено ќе ја зајакне демократијата и независноста на Црна Гора.