ТРЕТА ДОЗА ВЧЕРА ПРИМИЛЕ 69 ГРАЃАНИ - еве кои се условите за да ја добиете

Добивај вести на Viber

Еден ден откако стартуваше третата доза, во земјава неа ја примиле 69 граѓани. 

Неа засега ја добиваат лицата кои имаат над 60 години, оние со коморбидитети, како и здравствените работници.

Услов за да се прими третата доза е да поминале најмалку шест месеци од добивањето на втората доза.

Во земјава третата доза се аплицира исклучиво со вакцината на Фајзер, без оглед со кој тип на вакцина претходно е вакциниран граѓанинот.

„Вакцинацијата се одвива непречено на сите пунктови низ државата, а во тек е и теренска вакцинација. На вакциналните пунктови во државата и на терен, заклучно со вчера вакцинирани се вкупно 784.244 граѓани. Прва доза вакцина вчера примиле 1.820 граѓани, а вчера вкупно се вакцинирале 7.207 граѓани. Во државата вкупно се аплицирани 1.505.469 дози вакцини, а ревакцинирани се 721.156 граѓани. Трета доза вакцина вчера примиле 69 граѓани“, соопштија од Министерството за здравство.

Со последните бројки 55 отсто од населението над 40 години имаат примено барем една доза вакцина и 32 проценти од населението над 18-39 години е вакцинирано со барем една доза вакцина.

Граѓаните без закажан термин се вакцинираат, во постоечките вакцинални пунктовите низ државата. Децата од 12 до 18 годишна возраст се вакцинираат со согласност од родител.

„Вакцините се безбедни и ефикасни и се единствениот начин да се победи пандемијата. Само со комплетна вакцинација се спречува тешка форма на болеста се намалува шансата од заболување како и смртен исход од истата“, апелираат здравствените власти.