ТРЕВОГА ВО СТРАЗБУР: Што се случува?
Објавено во: Свет 12 Декември, 2018
Тревога од највисок степен има во францускиот град, Стразбур, а стотици припадници на француската полиција го бараат напаѓачот кој доцна синоќа уби три, а рани 12 лица од кои дел сериозно на божикен саем во центарот на Стразбур.
Шериф Шекат(29) за кого полицијата вели дека е радикализиран додека престојувал во затворот, во престрелката со припадницие на француската армија е ранет, но сепак успеал да избега. Од Министерство за внатрешни работи сметаат дека иако веќе е зајакната контролата на границите сепак постои можност тој да ја напуштил државата.
Полицијата побарала од жителите на градот да не ги напуштаат своите домови додека ја прегледувале околината каде што се случи инцидентот.
Напаѓачот од претходно им е познат на властите и претставувал закана за националната безбедност. Полицијата само неколку часа претходно го барала за да го уапси во неговиот дом поради сомнение дека учествувал во вооружен грабеж. Во близина на место на инцидентот се наоѓа и Европскиот парламент чии што простории веднаш биле затворени, а на пратениците и новинарите кои биле внатре им било забрането да го напуштат објектот.