ТРГОВИЈА НА МАЛО: Ќе има повеќе или помалку работници?

Добивај вести на Viber

Се очекува бројот на вработени во секторот трговија на мало да расте. 

Податоците на Државниот завод за статистика покажуваат дека економската состојба на деловните субјекти во второто тримесечје од 2018 година е поповолна во однос на  претходното тримесечје, а поповолна и во однос на истото тримесечје лани. 

Се очекува да биде поповолна  и во наредните две тримесечја. Количeството на залихите е намалено во однос на претходното тримесечје.

Според оценката на раководителите на деловните субјекти, индикаторот на доверба во трговијата на мало во второто тримесечје од 2018 година е зголемен за 0.3 процентни поени во однос на претходното тримесечје, а зголемен за 0.9 процентни поени во однос на истото тримесечје од 2017 година.

Финансиската состојба во второто тримесечје од 2018 година е поповолна во однос на првото тримесечје од 2018  година, оценката за очекуваните порачки за наредниот период е поповолнa, а очекувањата за бројот на вработените  се дека тој ќе се зголеми.

Продажните цени во второто тримесечје од 2018 година минимално се зголемиле во однос на првото тримесечје од  2018 година, а се очекува нивно зголемување и во наредните 3 месеци.

 Најголемо влијание врз ограничувањето на економската состојба на деловните субјекти во текот на второто тримесечје  од 2018 година имале: зголемената конкуренција на пазарот со 23.3 %, слабата побарувачка од купувачите со 22.7 %,  зголемената понуда на пазарот со 16.5 % и недостигот на обучен кадар со 15.8 %.