Тројца повредени возачи на патот Штип-Кочани, девојка префрлена на клиниката во Скопје
Објавено во: Македонија 19 Октомври, 2022
Тројца патници се повредени во тешката сообраќајна несреќа, која синоќа се случила на патот Штип-Кочани. Сите тројца биле возачи.
Девојка на возраст од 30 години од Штип со тешки телесни повреди е хоспитализирана во Клиничкиот центар во Скопје.
Портпаролот на СВР-Штип, Гордана Панајотова потврди дека сообраќајката се случила кај Чифличка крстосница во 20:45 часот. Инаку, оваа крстосница е позната црна точка на патот Штип- Кочани.
Портпаролот на Клиничка болница-Штип, Марина Шуманска потврдува дека синоќа е примено женско лице, но веднаш со тешки телесни повреди е транспортирана во Клиничкиот центар во Скопје.
Сообраќајот на оваа делница синоќа беше во прекин во двата правца, додека траеше увидот.