Тропски ден во Македонија, еве какво време се очекува неделава

Добивај вести на Viber

Во Македонија денеска се очекува уште еден тропски ден. 

Времето ќе биде претежно сончево и многу топло. Попладне во северозападните како и во североисточните и крајните источни предели појава на локална облачност. Ќе дува доумерен југозападен и југоисточен ветер. Утринските температури ќе бидат во благ пораст и ќе се движат од 13 до 22 степени, додека пак максималните дневни ќе достигнат до 29 односно до 40 степени. УВ индексот и утре ќе има вредност 9. 

Во земјава утре времето ќе биде сончево и топло време со благо опаѓање на дневните температури кои што ќе се движат во интервал од 27 до 38 степени. Во среда ќе имаме претежно сончево време со појава на локална облачност, попладне во западните, северозападните и северните предели развој на нестабилност која што во доцните попладневни и во вечерните часови ќе услови нестабилно време со врнежи од дожд. Дневните температури ќе го продолжат трендот на опаѓање и ќе се движат од 22 до 33 степени. Во четврток времето ќе биде умерено облачно и нестабилно време со врнежи од дожд и свежо време со максимални температури од 20 до 31 степен. Поинтензивни врнежи се очекуваат во североисточните, источните и југоисточните предели. Во петок се очекува претежно сончево време со појава на локална облачност и дневни температури кои што ќе се движат од 21 до 32 степени.