Трпески за Фактор: Турските турбуленции брзо се шират и кон нас
Објавено во: Економија 15 Август, 2018
Кризата во Турција индиректно може да влијае и на Македонија зата што таа држава е позначаен трговски партнер на земјава, вели поранешниот гувернер Љубе Трпески за Фактор. Тврди дека турбуленциите брзо се шират.
„Тоа може да води кон намалување на трговската размена со Турција, што нема да е добро за нас. Сепак криза од поголеми размери не треба да се очекува, барем не засега. Турција има традиционално висока инфлација и во различни периоди различно се менаџираше. Кога министер беше заменикот претседател на Светска банка Кемал Дервиш, цените се стабилизираа, но набрзо потоа повторно се стана исто. Како и што ќе се случува сега, многу зависи од односите со САД, но и од одлуките на Ердоган, вели Трпески.
Турција поминува низ страшен период и е пред рецесија, а турската лира само годинава изгуби 40 отсто од вредност. Она што е пострашно е што од ден на ден банкротираат фирми во земјата, а турските компании го повлекуваат капиталот од страна.