ТВИТЕР ПРВ ВОВЕДУВА МОДЕЛ НА ДАЛЕЧИНСКО РАБОТЕЊЕ: Вработените остануваат дома и по пандемијата
Објавено во: Економија, Свет 13 Мај, 2020
Дел од вработените во социјалниот гигант Твитер ќе може да работат од дома, соопшти менаџментот на оваа компанија, бидејќи фирмите мора да ги прилагодат канцелариите согласно мерките пропишани поради пандемијата на корона вирусот. Ова е првата компанија во светот која на своите вработени ќе им дозволи да работат од дома дури и откако ќе помине заканата од вирусот.
Вработените во Твитер добиле официјално известување од Џек Дорси, извршен директор во технолошкиот гигант, во кое наведува дека дел од нив ќе може да останат дома и да работат од далечина.
-Безбедноста и здравјето на нашите вработени се приоритет, заради што ние сме првата компанија во светот која го прифаќа ваквиот модел на работе, велат од Твитер.
Инаку, вработените во Твитер ќе може физички да приуствуваат на работните места дури од септември.