Уапсен Бугар со два ножа кај клубот „Цар Борис Трети“
Објавено во: Македонија 20 Октомври, 2022
МВР објави дека бугарски државјанин кој поседувал два ножа е уапсен во близина на неодамна отворениот бугарски клуб „Цар Борис Трети“ во Охрид.
„На 19.10.2022 во 11.00 часот во трговски центар „Амам“ на булеварот „Македонски Просветители“ во Охрид, полициски службеници од СВР Охрид, го лишија од слобода И.Н.И.(22) од Република Бугарија.
При преглед, кај него пронајдени и одземени се два ножа, со што сторил прекршок по член 80 од Законот за оружје“, објави полицијата.
Тој е предаден на судија на претходна постапка при Основниот суд во Охрид.