Убиен кловнот кој ги засмејуваше децата во растргнатиот Алепо
Објавено во: Свет 01 Декември, 2016
Долгата војна во Сирија повремено на површина вадеше импресивни приказни за нескршливоста на човечкиот дух, но веста дека е убиен кловнот кој правеше напори и во најтешките моменти на градот Алепо да ги забавува децата, покажува само колку светот е суров и неправеден.
24 годишниот Анас Ал Баша кој всушност беше социјален работник маскирајќи се како клов се обидуваше да извлече насмевка од дечињата кои се наоѓаат во една од најголемите кланици во Сирија каде секојдневно има огромен број на жртви меѓу кои и многу дечиња.
Баша се претпоставува дека е убиен за време на воздушен напад од сириската армија помогната од авијацијата на Русија. Населбата Машад во источниот дел на Алепо била погодена од ракета. Пред да започне опсадата Баша решил да остане во Алепо и да го даде својот придонес за цивилното население, одлука која скапо го чинела, но и засекогаш ќе го остави запаметен меѓу организациите за човекови права.