УГОСТИТЕЛИТЕ ПОВТОРНО ЗАГРИЖЕНИ: Намалување на работното време или целосно затворање би била бесмислена мерка
Објавено во: Економија, Македонија 13 Декември, 2020
Пред утрешниот
состанок на Комисијата за заразни болести на која ќе се разгелдуваат евентуално
нови мерки за работењето на кафеаните, баровите, кафулињата за време на претстојните
празнични денови, повторно внесува загриженост меѓу сопствениците на
угостителските објекти. Дел од нив сметаат дека не би имало никаква смисла
целосно да бидат затворени, со појаснување дека и сега граѓаните ниту бараат
резервации за корпоративни прослави, ниту пак прослави на поголеми друштва,
пријатели, роднини.
Според НУК (Независната угостителска комора) дури и ново намалување на работното време, за кое се шпекулира дека би можеле да работат само до 14 часот нема да придонесе во промена на епидемиолошката состојба, бидејќи сметаат дека, освен што кафулињата и рестораните се полупразни, таму целосно се почитуваат протоколите, па ширењето на заразата со корона вирусот е речиси невозможно.
Инаку, за утре Комисијата за заразни болести ќе одржи состанок на кој ќе се разговара а евентуално воведување нови рестриктивни мерки со напомена дека е можно да препорачаат со цел да се заштити населението и да се спречи уште едно големо ширење на заразата кое би резултирало со огромен број нови позитивни случаи на корона вирусот во Македонија. Дел од членовите на Комисијата за заразни болести се за целосен LOCKDOWN на угостителските објекти од 31.декември до 8.јануари.
За состанокот на Комисијата за заразни болести, читајте повеќе на следниот линк: