Украина тврди дека во војната загинале 29.600 руски војници
Објавено во: Свет 26 Мај, 2022
Украина тврди дека руската армија досега загубила 29.600 војници во војната.
Украинскиот Генералштаб извести дека руската армија во последниот ден загубила 150 војници, а од почетокот на војната вкупно 29.600 војници.
За само еден ден Русија изгубила 11 беспилотни летала, 10 тенкови и 22 оклопни возила. Уништени се 206 авиони, 170 хеликоптери, 1.315 тенкови, оклопни возила, 617 топови, 201 ракетен фрлач и 93 системи за противвоздушна одбрана. Освен тоа, изгубени се и 2.225 возила, 13 бродови, лесни глисери и 502 беспилотни летала на руските сили, се наведува во соопштението, во кое се додава дека 114 крстосувачки ракети лансирани од Русите, украинските сили ги уништиле. Руското Министерство за одбрана на 25 март, објави дека 1.351 руски војник загинале во Украина.
Рускиот претседател Владимир Путин вети бенефиции за војниците кои беа ранети во Украина.