Украл 200.000 долари и скокнал од авион по што му се губи трагата
Објавено во: Свет 21 Јули, 2018
Човекот именуван како Д.Б. Купер кој се заканил дека поседува бомба, и го киднапираше авионот кој леташе од Портланд до Сиетел на 24 ноември 1971 година, откако во Сиетел ги ослободи патниците и екипажот, им наредил на пилотите да полетаат за Мексико, а потоа скокнал со падобран од задната врата со 200.000 долари близу терен со шуми кај Вашингтон.
Никогаш повеќе не е виден и тоа денес е едно од најмистериозните бегства во американската историја.
Повремено се појавувале некои нови теории кои би можеле да го откријат мистериозниот Д.Б. Купер, а неодамна Карл Лорин од Мичиген се обрати во јавноста велејќи дека тој познат крадец бил неговиот најдобар пријател.
„Тој беше Волтер Река, мојот најдобар пријател и познат ветеран од Мичиген кој знаеше да лета со падобран"- кажал Лорин.
Тој дури повикал и конференција за медиумите во Гранд Репсид кога ги објави снимките од разговорите кои ги водел со Река во изминатите 8 години во кои наводно се откриваат детали од кражбата и киднапирањето на авионот во 1971 година.
Роднината на Река, Лиса Стори раскажува дека нејзиниот вујко често бил на другата страна на законот и поради тоа имал проблем да најде работа.