Унгарската полиција фрли солзавец на 15.000 демонстранти
Објавено во: Свет 17 Декември, 2018
Синоќа дојде до нови судири помеѓу унгарската полицијата и анти-владините демонстранти во Будимпешта, кои протестираа против новиот „закон за робови“. Протестирачите фрлаа димени гранати кон полицијата, а таа одговори со солзавец. На протестот имало повеќе од 15.000 луѓе, според француската новинска агенција АФП.
Главниот протест беше на плоштадот пред парламентот, но група демонстранти се собраа пред седиштето на националната телевизиска станица заедно со неколку опозициски политичари. Иако побараа, нивните барања не беа емитувани во етер од страна на телевизијата. Паролите главно беа насочени кон унгарската влада и, пред се, кон конзервативниот премиер Виктор Орбан.
Билансот на состојба на последиците од немирите во недела и судирите меѓу полицијата и демонстрантите се уште не е потврден, но од претходниот во четвртокот најмалку 15 полицајци беа повредени, а уапсени беа 35 демонстранти.
Станува збор за најголемите протести во Унгарија во текот на последната деценија а започнаа во средата со усвојувањето на нов закон за работни односи, кој дозволува да се работат и до 400 часови прекумерна работа годишно. Како причина и новото администрирање на судовите, за кое демонстрантите сметаат дека е алатка на Орбан за нивна конторла.
Овој протест е карактеристичен и по здружувањето на опозициските сили во еден фронт, за како што велат од таму да се „спрасват со авторитаризмот на Орбан“.
Од друга страна, приврзаниците на владата и провладините медиуми коментираа дека демонстрантите се анархисти и "поданици на Сорос".