(ВИДЕО) Унгарскиот суд денеска одлучува за екстрадицијата, Груевски маскиран и со јакна на лисиците на рочиште
Објавено во: Македонија 27 Јуни, 2019
Никола Груевски маскиран со безбол-капче и очила за сонце како и со јакна на рацете за да ги прикрие лисиците беше донесен на судското рочиште денеска во Будимпешта, каде започна процесот за тоа дали ќе се прифати барањето на македонските власти за негова екстрадиција.
Унгарија му даде азил на поранешниот македонски премиер откако тој избега непосредно пред да започне да ја отслужува двегодишната затворска казна за случајот „Тенк“, а во меѓувреме Министерството за правда на Македонија испрати барање за негова екстрадиција, така што последниот збор ќе го има судот во Будимпешта.
Груевски одбил да дава изјави за новинарите, а исто така судијата го испочитувал неговото барање да нема медиуми на рочиштето бидејќи се работи за сведочење со чувствителни информации
Одлуката се очекува да биде објавена денес.