УНИВЕРЗАЛНА ЌЕ ПРОДОЛЖИ ДА ПРОПАЃА: Советниците не изгласаа да ја предадат на Владата!
Објавено во: Македонија 30 Март, 2023
Советниците
во Градскиот совет не ја изгласаа
иницијативата на советниците на СДСМ,
Универзална сала да се отстапи на
Владата, поточно на Министерството за
кутура, за да започне нејзината
реконструкција. Предлогот на СДСМ доби
само 15 гласа.
Според советниците од Левица, не би сакале проектот да и го препуштат на како што велат, делегитимираната Влада, на една година пред избори, додека за советниците од ВМРО-ДПМН, треба да се најде начин да се мотивира градот за да ја направи реконструкцијата на Универзалната сала.
За градоначалничката на Скопје, Данела Арсовска, тоа не е одлука којашто таа како градоначалник може или сака да ја направи.
За преземањето на Универзална сала од страна на Министерството за култура се зборува уште од ноември минатата година кога министрите за култура и за локална самоуправа, Бисера Костадиновска-Стојчевска и Ристо Пенов, беа на средба со градоначалничката Данела Арсовска, од каде што излегоа со тврдење дека Универзалната сала целосно ќе биде преземена од Министерството за култура, за истата да се реконструира, за што добиле согласност од градоначалничката.