Уште една земја тргнува во војна со „Гугл“
Објавено во: Свет 09 Јануари, 2019
Турскиот регулатор за заштита на конкуренцијата објави дека покрена истрага против „Гугл“. Со неа сака да утврди дали „Гугл“ го прекршува пазарниот натпревар со алгоритмите кои ги користи за пребарување и за целно огласување.
Истрагата е покрената по поплаките дека компанијата ја „злоупотребила доминантната позиција и ја отежнала позицијата на другите компании“, пишува во соопштението на турскиот регулатор.
Под лупа ќе бидат одделот на „Гугл“ за реклами и маркетинг, „Гугл интернешнл ЛЛЦ“, „Гугл ЛЛЦ“, „Гугл Ирска лимитед“ и „Алфабет инц“, се наведува во сопштението.
Ројтерс наведува дека во турската подружница на „Алфабет“ не одговориле нивните повици за коментар за истрагата.