УТРОВО МАГЛА: Какво време се очекува попладне?
Објавено во: Македонија 26 Ноември, 2017
Во земјава претпладне по котлините ќе има магла, а во попладневните часови, најпрво во западните делови, ќе има врнежи од дожд кои во текот на ноќта ќе се прошират и во другите делови.
На планините во северозападните делови на Македонија врнежите ќе поминуваат во снег.
Ќе дува слаб до умерен југоисточен ветер кој во текот на ноќта ќе го смени правецот во северен. Температурата ќе се движи од седум до 16 степени.
Во понеделник преку денот ќе биде студено и ветровито со врнежи од дожд, а на планините и на повисоките места ( 800 м.н.в.) од снег. Врнежите ќе бидат пообилни во источните делови. На планините и некои повисоки места ќе се формира снежна покривка. Дневната температура ќе биде релативно ниска, и ќе се движи во интервал од 3 до 9 степени.
И во вторник времето ќе биде студено и ветровито, а претпладне во источните делови со повремен слаб снег.