23 Октомври, 2020
0.0192

Вардар и Шкендија во „минус“ и со парите од УЕФА

Објавено во: Финансии 10 Септември, 2019

Двата фудбалски ривали кои во последните пет години ги поделија титулите во македонското фудбалско првенство - Вардар и Шкендија, на крајот од 2018 добивката од една година претходно, ја претвориле во загуба следната година, покажуваат ревизорските извештаи тукушто објавени на Македонска берза. Вардар за минатата година прикажал загуба од 136 милиони денари, додека Шкендија бележи минус од 22 милиони денари. Претходно добивките на скопскиот и тетовскиот клуб беа плус 72 милиони, односно позитива од 27 милиони денари за Шкендија.

Од влезници Вардар заработил само 1,22 милиони денари со голема разлика споредбено со 17 милиони денари од 2017, а падот на спонзорирањето е од 90 на 36 милиони денари. 55 милиони денари се добиени од учество во натпреварувањата на УЕФА, но и тие се премалку во однос на 224,6 милиони од година дена претходно кога стана првиот македонски клуб кој обезбеди учестви во групната фаза на Европа лигата.

Приходите од телевизиските преноси се чиста нула, додека 43 милиони биле во 2017. 151 милион биле исплатени за плати на вработени, од кои 84,5 милиони за фудбалери. Примањата на фудбалерите се двојно помалку од една година претходно. И бројот на вработени бележи пад од 87 на 66 ангажирани.

Нето приходите од трансфери на играчи изнесувал 8,4 милиони денари, за разлика од 50 милиони денари пред една година. Позајмени од банка биле 129,5 милиони денари, а каматите се петкратно нараснати. 

„Во текот на 2018 година Друштвото склучи Договор за рамковен револвинг кредит лимит со една домашна финансиска институција на износ од 3,000,000 Евра со рок на доспевање до 18 мај 2019 година. Како обезбедување за обврските за кредити, поврзаната страна СИС Инвест Груп доо Скопје, заложи недвижен имот- идна недвижност“, вели ревизорот.

Вардар платил и 12 милиони денари за казни и пенали, додека претходно бил чист. За наем на фудбалскиот терен од Општина Аеродором во Јане Сандански платил 4,8 милиони денари или нешто помалку од претходно.

„Раководството на Друштвото и сопственикот ги превземаат сите неопходни мерки во насока на одржливост и развој на деловните активности на Друштвото. Сопственикот на Матичното Друштво - РК Вардар АД, Скопје со своето писмо за поддршка ја изрази својата намера да продолжи со поддршката на Друштвото во период не пократок од 12 месеци од датумот на писмото“, вели ревизорот..

И Шкендија бележи пад од 14,2 на 5,5 милиони денари за влезници. Спонзорството и рекламирањето е паднато од 105 на 22 милиони. Телевизиските приходи одат надолу од 7,1 на 2,8. Единствено, светла точка е тоа што приходите од УЕФА за настап во нејзините натпреварувања се поголеми од 60 на 102 милиони денари. 

73 милиони денари им биле платени на фудбалерите, повеќе за 21 милион од лани. На сите вработени доходот е 107 милиони денари, односно зголемен за 23 милиони.

Кога станува збор за готови средства во банка, Вардар на располагање имал само 3,2 милиони денари, додека Шкендија имала 35,5 милиони. 

А.К.

Можеби ќе ве интересира

Светска банка: Продолжената пандемија и рестриктивните мерки ќе го одложат економското закрепнување

Светска банка: Продолжената пандемија и рестриктивните мерки ќе го одложат економското закрепнување

ММФ ПОРАЧАЛ: Народна банка постапила правилно со одземањето на дозволата на Еуростандард, да не се политизира нејзината работа

ММФ ПОРАЧАЛ: Народна банка постапила правилно со одземањето на дозволата на Еуростандард, да не се политизира нејзината работа

ПРАТЕНИЦИ И ЕКСПЕРТИ - ќе има ли жешко собраниско чешлање на Еуростандард

ПРАТЕНИЦИ И ЕКСПЕРТИ - ќе има ли жешко собраниско чешлање на Еуростандард

ШОКАНТНО ТВРДЕЊЕ НА КОСТОВСКИ: Големи пари од Еуростандард се одлевале во струмичкиот регион и во фирма која требало одамна да биде банкрот

ШОКАНТНО ТВРДЕЊЕ НА КОСТОВСКИ: Големи пари од Еуростандард се одлевале во струмичкиот регион и во фирма која требало одамна да биде банкрот

КРИВИЧНАТА ПРИЈАВА СТИГНАЛА ПРЕД ОСУМ ДЕНА - како ќе се одмотува клопчето Еуростандард банка

КРИВИЧНАТА ПРИЈАВА СТИГНАЛА ПРЕД ОСУМ ДЕНА - како ќе се одмотува клопчето Еуростандард банка

Народна банка поднесе кривична пријава против поранешни одговорни лица во Еуростандард банка

Народна банка поднесе кривична пријава против поранешни одговорни лица во Еуростандард банка

НЕМА ПОСЕБЕН ЗАКОН ЗА ОБЕШТЕТУВАЊЕ - Заев отворено им кажал на штредачите од Еуростандард

НЕМА ПОСЕБЕН ЗАКОН ЗА ОБЕШТЕТУВАЊЕ - Заев отворено им кажал на штредачите од Еуростандард

Народна банка: Основната камата нема да се намалува, бидејќи има ризици

Народна банка: Основната камата нема да се намалува, бидејќи има ризици

Блажев: Има граѓани што продале имот, или штеделе пензии за да им бидат на едно место, и потоа парите им пропаднаа

Блажев: Има граѓани што продале имот, или штеделе пензии за да им бидат на едно место, и потоа парите им пропаднаа