Венецуела ја тресе политичка но и економска криза, Мадуро не прифаќа американска помош и покрај гладот на граѓаните
Објавено во: Свет 19 Февруари, 2019
300 тона хуманитарна помош од Русија стигнува во Венецуела соопшти Николас Мадуро, пренесоа светските агенции.
Мадуро повтори дека се противи во земјата да влезе американската помош во храна и лекови која ја бара опозицијата.
-Во среда 300 тона хуманитарна помош ќе дојде од Русија-рекол Мадуро и додал дека во прашање се пред се „многу скапи лекови“.
Социјалистичкиот претседател уште еднаш ја оцени како „Политички шоу програм“ и „замка“ американската помош која ја бара лидерот на опозицијата, самопрогласениот привремен претседател на Венецуела Хуан Гуаидо.
Мадури рекол дека ќе дојде помош и од Кина, Турција и други земји , како и ОН
Според негови зборови, помош од Русија доаѓа во наредните денови а генерално хуманитарната помош која ќе биде пратена во Венецуела ќе биде со посредство на ОН.
Гуаидо од друга страна рекол дека на границата со Колумбија доаѓа американска хуманитарна помош која треба „По секоја цена“ на 23 февруари да влезе во земјата. Неколку илјади доброволци се пријавиле да омогнат.
Во Венецуела која се соочува со најлошата политичка и економска криза, владее недостиг на основни намирници.