Венко Глигоров до Османи: Ако мислеше дека морони живеат во Македонија, си се зезнал

Добивај вести на Viber

Лавина од коментари предизвика акцијата на вицепремиерот Бујар Османи кој викендов имаше акција за проверка колку се спроведува законот за јазици.

Османи направи неколку кругови низ главниот град за да провери кој од директорите на институциите се уште има поставено табла само на македонски јазик, а не и на албански, но и со старото државно име Република Македонија.

Токму тоа ја вжешти јавноста а со коментари се јавија и познати личности.

Комуниколозите овој потег на Османи го оценија како подгревање на меѓуетничките тензии а други пак му порачаа да оди до Мала Речица и да провери дали таму неговата партија го спроведува законот зошто државната знаме сеуште не е поставено пред објектот на ДУИ.

Венко Глигоров познат како поранешен претседател на Комисијата за економија и финансии како и член на Централниот комитет на Либералната партија акцијата на вицепремиерот ја искоментира како одлична но и му порача да ја продолжи со несмалено темпо.

„Мислам дка е одлично што Вицепремиерот започнал активност за проверки на спроведување на закон за јазици. Одличен пример дава како треба да се сака државата.

Сега истиот тој Вицепремиер, а може и друг Вицепремиер, но најдобро е тоа да бидат надлежни институции - да почнат со континуирана и систематска проверка на спроведувањето на законот за јазици и законот за знамиња на целата територија на Македонија. И да има казнувања.

Браво Вицепремиере за акцијата!

(Ако мислеше дека морони живеат во Мк, си се зезнал. Не се сите. Можеби ги мислиш за такви од твојот коалиционен партнер - не знам. На следните избори ќе видите дека не се сите морони ако се занимавате со селективна правда.)“ - напиша Венко на Фејсбук.

Од друга страна, Османи заработи прекршочна пријава бидејќи зборуваше на телефон додека ја извршуваше акцијата.