(ВИДЕО) Eден ден по пуштањето најбрзиот воз им се расипа
Објавено во: Свет 19 Февруари, 2019
На првото патување, најбрзиот воз во Индија се расипа. Ова се случи на само еден ден откако го пушти во употреба премиерот Нарендра Моди.
„Ванде Бхарат експрес“ се враќал во Њу Делхи од северниот град Варанаси кога морал да застане на станицата Шамола, која се наоѓа на околу 190 километри од главниот град.
Дефектот настанал поради проблеми во комуникацијата меѓу последните четири вагони и остатокот од возот поради „надворешен удар“.
Возот е запрен, а потоа проверен за грешки, пред да биде пренесен во Делхи.
Почетното патување на „Ванде Бхарат експрес“ од Њу Делхи до Варанаси беше успешно.
Полубрзиот воз, произведен во јужниот град Ченаи, може да достигне максимална брзина од скоро 160 км/ч. Неговото производство е дел од амбициозната иницијатива на Моди наречена „произведено во Индија“ која има за цел да ја трансформира земјата во глобален производствен центар.
Возот може да собере 1.128 патници, а со него патот од Њу Делхи до Варанаси од 750 километри се поминува за осум часа. Оваа релација со другите возови се поминува за нешто повеќе од 11 часа.