ВИДЕО: Индијци се мачкаат и нуркаат во измет од крави за да се заштитат од коронавирусот

Добивај вести на Viber

Лекарите во Индија, а меѓународната медицинска фела се фрапирани и предупредуваат на практиката на жителите на делови од Индија кои користат измет од крава во верувањето дека така ќе го одвратат КОВИД-19. Во видеата кои ги објавуваат светските медиуми буквално се снимани цели обреди во кои се гледа како групи луѓе се мачкаат со изметот од кравата. Лекарите во нивен стил убедуваат дека нема научни докази за нејзината ефикасност и дека ризикува ширење други болести.

Пандемијата на коронавирус предизвика страотни дневни биланси во Индија, со досега пријавени 22,66 милиони случаи и 246.116 смртни случаи. Експертите велат дека вистинските бројки можат да бидат пет до 10 пати поголеми, а граѓаните низ целата земја се борат да најдат болнички кревети, кислород или лекови. Многумина се, оставени да умрат поради недостаток на лекување.

Во државата Гуџарат во западна Индија, некои верници оделе во засолништа за крави еднаш неделно за да ги покријат своите тела во измет од крави и урина, во надеж дека тоа ќе им го зајакне имунитетот против коронавирусот или ќе им помогне да се опорават од коронавирусот, јавува Ројтерс ( повеќе фотографии овде).

Во хиндуизмот, кравата е свет симбол на животот и земјата и со векови Хиндусите користеле измет од крави за да ги чистат своите домови и за ритуали на молитва, верувајќи дека има терапевтски и антисептички својства.

"Гледаме ... дури и лекари доаѓаат тука. Нивното верување е дека оваа терапија го подобрува нивниот имунитет и ака можат да одат и лекуваат пациенти без страв", рече Гаутам Манилал Бориса, соработник менаџер во фармацевтска компанија.