(ВИДЕО) Како Европа и светот ја дочекаа Новата година?

Добивај вести на Viber

Светот ја пречека Новата 2017 година со спектакуларни огномети. 

Сиднеј им оддаде почит на ѕвездите, како пејачот Дејвид Боуви и актерот Џин Вајлдер. 

Спектакуларен огномет над мостот на пристаништето во Сиднеј беше изведен со позната песна на Боуви „Space Oddity“.

Околу еден милион лица ја пречекаа Новата 2017 година на Тајмс сквер во Њујорк и го набљудуваа спуштањето на гигантската сфера под дожд од конфети.

Жителите на двата најголеми кинески градови, Пекинг и Шангај, новогодишната ноќ ја минаа мирно претежно во домовите. На крајбрежната пешачка зона во Шангај немаше прослава, а продажбата, користењето и превезувањето на пиротехнички средства беа забранети.

Градоначалникот на градот Бил де Блазио и генералниот секретар на Обединетите нации, Бан Ки-мун го стиснаа копчето, со кој се активира механизмот за спуштањето на топката, една од големите традиции на Големото јаболко, која датира од 1907 година и секоја година привлекува туристи од целиот свет. Околу 7.000 полицајци го обезбедуваа настанот.

Во Париз  десетици илјади луѓе беа на парискиот бувелар „Шанзелизе“ и уживаа во огнометот кај Триумфалната порта.

Во Ватикан папата Францис отслужи вечерна литургија во базиликата „Свети Петар“, на која изрази жалење поради невработеноста меѓу младите луѓе. 

Откако Биг-бен отчука 12 часот по полноќ, Лондон беше осветлен од огнометот покрај реката Темза, кој траеше 12 минити. Во Лондон свиреа песни на неодамна починатите британски поп икони Боуви и Џорџ Мајкл, како и на американскиот изведувач Принс.

Над два милиони лица ја дочекаа 2017 година на плажата Копакабана во Рио де Женеиро. Туристите и локалните жители уживаа во фестивалот од звуци, вклучувајќи го ритамот на популарните школи за самба.

Празнувањата во германските градови минаа под зајакнати мерки за безбедност. Вчера беше уапсен маж за време на празнувањето кај Брандербуршката порта во Берлин, кој викал „Бомба, бомба, бомба“.