(ВИДЕО) Нова снимка од тепачката на Закинтос: Обезбедувачот на локалот проговори и раскажа што се случи кобната ноќ

Добивај вести на Viber

Грчките медиуми објавија нова снимка во која е убиен туристот од САД на Закинтос, после што се уапсени девет луѓе, меѓу кои и седуммина српски државјани.

Грчкиот портал „Прото тема“ објави снимка од безбедносната камера од еден кафе бар откаде се гледа целиот тек на тепачката.

После десеттина секунди на снимката во кадар се појавува Бакари Хендерсон, кој го турка едно момче. Американецот удира во паркиран автомобил, потоа група момчиња го буткаат на земја и шутираат десеттина секунди.

Набрзо неколку момчиња ја прекинуваат тепачката и ги оттуркуваат другите момчиња. Тепачката престанува, а на остатокот од снимката се гледа како на Хендерсон се обидуваат да му помогнат.

Истиот портал ја објави и изјавата, како се наведува од „српскиот обезбедувач“, кој ја „прекинал тишината и раскажал што се случило“.

„Таа вечер имаше гужва во клубот. Хостесата која била со српско потекло, имала слободен ден, но дошла во клубот, каде се дружела со Американците, меѓу кои била и жртвата. Зборувала со нив, се шегувала и добро забавувала. Во клубот во тој момент биле и многу Срби, од кои еден и пришол на девојката и рекол: „Зошто се дружиш со Американците? со заканувачки тон. Американецот вербално изреагирал, а Србинот му задал удар в лице. Тогаш Американецот земал шише и го удрил Србинот во глава. Тогаш почнало се. Девојката почнала да ги разделува, а жртвата по грешка ја удрила девојката со лактот и нејзе почнало да и тече крв. Дојде да ми бара помош а јас влетав да ги раздвојам. Почнаа да летаат пепелари, а Американецот излезе од локалот и почна да трча, а по него тргнаа и момците од српската екипа, јас и грчкиот бармен. Се сеќавам дека го удрив со два три бокса во лице и по тело, но не по глава. Кога јас си заминав, масата Срби немилисрдно продолжи да го тепа по цела глава и тело“, рекол српскиот обезбедувач за сајтот Protothema.gr. 

Претходно, адвокатката на еден од осомничените Зора Добричанин рекла дека „постои“ поволна снимка и дека ќе инсистира постапката да се води на српски јазик.

„Колегата адвокат од Закинтос ми рече дека постои снимка и дека сето тоа што се гледа на снимката е многу поволно од она што пишува во обвинувањето. И дека на таа снимка детално се гледа однесувањето на секој од обвинетите“; наведува Зора Добричанин.