(ВИДЕО) Ова е организатор на нападите во Шри Ланка: Кој бил мозокот на крвавиот Велигден?
Објавено во: Свет 25 Април, 2019
Главниот организатор на терористичкиот напад во Шри Ланка бил Инсхан Селаван, еден од бомбашите самоубијци кој во неделата го детонирал експлозивот во хотелот Шангри Ла.
Тоа го изјавил Ширал Лактхилак, советник на претседателот на Шри Ланка. Поедини претставници на Шри Ланка пак го именуваа радикалниот екстремист Захран Хашим како клучна личност во организацијата на терористичкиот напад на Велигден на 21 април.
Лактхилак соопштил дека разбиле цела тероростичка организација, иако други претставници предупредуваат дека некои осомничени за нападот уште се на слобода.
Извори блиски до безбедносните слуќби во Британија изјавиле дека еден од извршителите на бобмбашките напади на Шри Ланка, е Абудул Латиф Џамел Мухамед и дека студирал на југоистокот од Англија од 2006 до 2007 година.
ИСИС по преземањето на одговорноста изјавила дека нападите ги извеле седум нивни напаѓачи, но нема докази дека токму ИД стои зад нападите.
Ако сепак тоа се покаже точно, тоа ќе биде еден од најлошите напади надвор од Ирак и Сирија. Властите на Шри Ланка велат дека се работи за девет напаѓачи, меѓу кои е и една жена.
-Повеќето од напаѓачите се високо образовани луѓе и потекнуваат од семејства од средна или висока класа. Финансиски се независни, а нивните семејства се финансиски стабилни-рекол Лактхилак.
Во нападите во Шри Ланка, во хотели и цркви, според последните податоци се убиени 359 лица, а повеќе од 500 се повредени.