(ВИДЕО) Се појави снимка од екипажот на запленетиот британски танкер
Објавено во: Свет 22 Јули, 2019
Иран објави снимка од екипажот на запленетиот британски танкер.
Иран објави кратка видео снимка на која, како што тврдат иранските власти, прикажани се членовите на запленетиот британски танкер, кој во петокот го презема иранската револуционерна гарда, пренесува Си-Ен-Ен.
Снимката денеска е објавена на интернет страницата на иранската известувачка агенција Фарс.
На прикажаниот видео материјал се гледаат неколку членови на екипажот распоредени на различни локации во танкерот.
Портпаролот на компанијата која управува со овие танкери, за Си-Ен-Ен, изјави дека засега не се во можност да ја проверат автентичноста на видеозаписот.