(ВИДЕО) Силна поддршка од Борисов за Заев, за Иванов жестоки критики

Добивај вести на Viber

Во никој случај не се мешаме не само во работата на институциите на Македонија, но и во спорот со Грција за името. Ова го изјави премиерот Бојко Борисов во коментар во врска со посетата на македонскиот премиер Ѓорге Иванов во Бугарија. 

„Секако, ако има промена на името, ако тоа се случи, ние ќе седнеме веднаш со колегите, ќе го напишеме дополнително во нашиот договор за добрососедство она што се променило, ќе го заштитиме и ќе го пуштиме на ратификација во парламентите. Сега во моментов тоа дури нема никакво значење.

Отсекогаш сум се однесувагл кон претседателот Иванов со голема почит. И да го потсетам - не само кога го потпишавме Договорот за добрососедство, бев кај него во Скопје, тогаш бев и во парламентот на Скопје, тогаш се видов и со опозицијата на Скопје, а потоа отидов и кај Груевски во седиштето. Тој знае убаво дека единственото нешто што сакаме за Македонија, е европска интеграција, влегување во ЕУ, влез во НАТО, просперитет и поврзување, коментира Борисов. Отсекогаш ги поддржувавме во сè. Опозициските партии во Грција и Македонија се моите најдобри пријатели, кажа Бојко Борисов.

Тој беше категоричен дека премиерите на Грција и Македонија ја имаат целата негова поддршка за напорите и ризиците. 

„Ќе беше предавство по она што вчера го слушнав, она што го прочитав, немав можност да слушнам лично, но по средбата за 120 секунди, така ми беше кажано, меѓу премиерот Заев, министерот за надворешни работи и претседателот Иванов, јас денес да го пречекам, со почести во Софија. Немаше да биде фер за нивните напори“, категоричен е Борисов во однос на одбивањето на бугарската влада да се сретне со македонскиот државен шеф Ѓорге Иванов во Софија. „Затоа решив дека денес не е време“, објасни бугарскиот премиер. 

„Каков дијалог денеска да направам со него, што да му кажам: „Многу убаво си направил!“, кога знам месеци што правеше? Ајде да преспиеме, па да размислиме повторно, кажал премиерот на Бугарија.

Тој посочил дека претседателот Румен Радев има право да го критикува, а само тоа и го правел во последно време. Според Борисов, последиците и позитивите на спорот за името се за македонскиот и за грчкиот народ. Тој не гледа никакви разлики меѓу позициите на владата и претседателската институција на тема „Македонија“.