(ВИДЕО) Славески го тргна микрофонот на Арсовска и кажа дека три часа ги малтретирала
Објавено во: Македонија 19 Октомври, 2022
Тензии имаше на денешната седница на Советот на Град Скопје. Претседателот на Советот, Трајко Славевески на денешната вонредна советничка седница се симна од своето место и го одзема микрофонот на актуелната градоначалничка на Скопје, Данела Арсовска, која во истиот момент зборуваше за криминалите ВМРО-ДПМНЕ.
„Сите се малтретирани овде поради вас, дополнителни три часа. Досега ќе ја изгласавме иницијативата. Не се расправајте со советниците. Поради вашето вакво однесување, се малтретираме овде“, ѝ рече Славески.
Таа му одговори дека не може повеќе да се однесува како деспот. Откако тој го тргна микрофонот, таа продолжи да зборува.