(ВИДЕО) ЗАВРШИ ЗАЛОЖНИЧКАТА ДРАМА: Доведен е и таткото на напаѓачот за да преговара
Објавено во: Свет 30 Декември, 2017
Заврши заложничката драма во украинскиот град Харков, каде маж со бомба држеше во заложништво 11 луѓе во пошта.
Ослободени се сите заложници, по што киднаперот е уапсен.
Ова го изјави шефот на украинската полиција, Сергеј Књазев, а истата информација беше објавена и на Твитер профилот на претседателот на државата, Петро Порошенко.
Претходно, украинските медиуми објавија дека пет од единаесет заложници се ослободени – три жени и две деца.
Заложничката криза започна денеска кога неидентификуван човек со експлозив се забарикадирал во пошта во Харков, наводно незадоволен поради неодамнешната размена на заробеници меѓу украинските власти и проруските сили, затоа што според него требало да бидат ослободени повеќе затвореници.
Тој немал конкретни барања до полицијата, а во текот на преговорите со него, на местото на настанот бил доведен и неговиот татко.