ВЛАДА: Проблемот со затворената грчка граница многу брзо ќе биде надминат
Објавено во: Македонија 14 Мај, 2021
Проблемот со се уште затворениот премин Богородица на границата со Грција ќе биде надминат многу брзо, велат од Владата во својот одговор на прашањето зошто грчките „рампи“ се уште останаа затворени за македонските граѓани, кои утрово поитаа да ја посетат таа соседна држава, по пауза од околу година и половина.
Оттаму велат дека станувало збор за административен проблем, и ова не важело само за Македонија, туку за сите гранични премини кои ги има Грција и кон останатите нејзини соседни држави.
Инаку, премиериите на двете земји се во интензивна комуникација за надминување на проблемот.
„Кабинетите на премиерите се во интензивна комуникација. Кажано ни е дека станува збор за административен проблем на сите гранични премини на Грција со сите нејзини соседни држави. Известени сме дека многу бргу ќе го надминат проблемот“, велат во брифингот од Владата.
Според него, се уште нема формална одлука на грчката Влада за отворање на границите, па затоа е направен тој застој на македонско - грчката граница.
Османи, денеска одговарајќи на новинарско прашање, рече дека македонските граѓани кои чекаат на граничниот премин нема на можат за ја поминат границата без формална одлука на Владата во Грција.
„Ние сме во очекување да се формализира намерата на Грција за отворање на границите и да можат да минуваат граѓаните“ вели Османи, кој ги повика граѓаните да се информираат преку официјалните соопштенија.
Граничниот премин „Богородица“ на грчко-македонската граница сè уште е затворен и не се пропуштаат возилата накај Грција, иако беше најавено и од грчка и од македонската страна дека денеска ќе биде отворен.
Како што Фактор веќе објави, а според официјална потврда од МВР, возилата не биле пропуштени затоа што вработените на грчките гранични премини се уште немале добиено официјално известување од грчката Влада дејка смеат да пропуштаат странски граѓани.
Одделнои медиуми јавија дека рано утрово биле пропуштени 50 возила, но потоа ненадејно тоа бил стопирано, и останала колоната од возила од македонските граѓани.