Владата лоцираше кој најмногу го загадува воздухот
Објавено во: Македонија 29 Ноември, 2017
Загревањето на домовите е најголем загадувач на воздухот.
Oва е заклучок од извештајот на интер-ресорската работна група составена од 17 државни институции и граѓански и еколошки организации, која работеше на анализа на наведениот проблем.
Од Владата денеска информираа дека извештајот е усвоен и во следниот период министерствата ќе треба да и ги соопштат на јавноста мерките за заштита од загадувањето.
„Лоцирани се изворите на загадување. Според овој извештај загревањето на домовите, односно греењето е најголем загадувач на воздухот“ – изјави портпаролот на Владата, Миле Бошњаковски.
Извештајот предлага неколку мерки на краткорочен и долгорочен план, предвидени за справување со загаденоста. Гасификацијата е мерка која се предвидува на долг рок. Една од нив е евентуално враќање на исклучените граѓани од системот на централно греење на Град Скопје.
Владата планира и законски измени за обврска на секој инвеститор при добивање на градежна дозвола, да приложи проект за начинот на затоплување на објектот. Ќе се предвидуваат субвенции и стимулации за нови типови на загревање.
На долг рок една од мерките предвидува и забрана за користење на јаглен за загревање на домовите, мерка која треба да се имплементира до 2021 година.
Можеби ќе ве интересира
Г.Г.СТЕФАН: Што е можно побргу, да се освестиме и да се обединиме како народ
ПРИТВОР ОД ОСУМ ДЕНА: Kaвадарчанец спречил полицајци да фатат побегнат затвореник
МОЈСОСКА: Апел до сите пратеници да се откажат од патните трошоци по примерот на Левица
МИЦКОСКИ: Воскресението е потврда дека надежта секогаш ќе победи
ПЕНДАРОВСКИ ГО ЧЕСТИТА ВЕЛИГДЕН: Да се сплотиме околу визијата за хумано, праведно и просперитетно македонско општество
ВИСТИНСКИ РАЈ ЗА ОЧИ: Скопјанка во неколку техники украсува велигденски јајца
ПРОГНОЗА: Kaкво време ќе имаме денеска и следните денови?
ХРИСТОС ВОСКРЕСЕ: Православните верници го слават Велигден
