ВМРО ДПМНЕ- ДЕМОКРАТСКА ФРАКЦИЈА: Владата на Заев манипулира како таа на Груевски

Добивај вести на Viber

Демократската фракција на ВМРО ДПМНЕ покажува загриженост околу евроатланската иднина на Македонија, преку соопштение обвинувајќи ја владата на актуелниот премиер за манипулации.

Според нив Поддршката на „Нон пејперот” на скоро 1/5 од државите членки на ЕУ (Франција, Холандија, Белгија, Данска и Лукембург), укажува дека Македонците мора сериозно да бидат загрижени за евроатланската иднина на сопствената држава.

Велат дека по објавувањето на ,,Нон пејперот” станува јасно дека позитивниот Извештај на ЕК од пред неколку недели е само политички инструмент и средство за мотивција со кој и се даде дополнителна шанса на Владата на РМ да го стори тоа што мора да го стори. Реформи и реформи.

Велат дека недостигаат клучните реформи во правосудството, деполитизација на јавната администрација и во борбата против корупцијата и организираниот криминал а за тоа требале квалитетни и чесни личности во извршната власт, а не шарени шминкери и манекени, партиски мешетари и недоквалификувани кадри и лица од црните листи.

Тие на премиерот му упатија порака наместо да шири нереален оптимизам, максимално да се посвети на внатрешните проблеми, да се подигне животниот стандард на граѓаните да се казнува дебечо за корупвија и криминал и до администрација која ќе биде сервис на граѓаните, потенцирајќи дека нема да се чека цели единаесет години за да се казнат неспособните.